المساعد الشخصي الرقمي

مشاهدة النسخة كاملة : طلب بديل ترانزستور

احمد_اتون
21-08-2011, 09:05 AM
السلام عليكم ورحمه الله وبركاته
طبعاً الشاشات لسه بادئها والحمدلله او مابدأت بدأت بشاشتين LCD لاصدقائي علشان لو باظوا ما نخسرش المهم الاولي كانت من نوع benq 21 ومشكلتها باور سميت وفكيت لقيت مكثف 120 مايكرو 450 فولت جيت اجيب زيه مالقتش دخلت ع محمد اللى جنبي بشويه كده بتاع صيانه تليفزيونات بقوله عندك من ده فى بورده قديمه لقيته طلع واحد 200 مايكرو و 200 فولت ياعم مش هو قالي ركبه بس وقولي وركبته لقيت الدنيا شغاله.

الشاشه التانيه Viewsonic 19 العيب باور برضه بس لقيت حاجات كتير بقى 470uf 10v , 470uf 25v
ولقيت بريدج وترانزستور
البريدج دخت عقبال مالقيته وطبعاً ماحدش يتريق علشان احنا فى الاسماعيليه هما محلين بيبيعوا الكترونيات وواحد منهم قالي اعمل مكانه دائره توحيد (4 دايود) المهم لقيته عند التانى
الترانزستور بقى مالقتهوش خالص هو مكتوب عليه dm0555R فمش عارف بديله ايه او اجيب ايه اركبه مكانه هو ترانزستور 6 ارجل

يبقى الطلب من اخوتى
1- بديل للترانزستور
2- هل تمشي دائره التوحيد للبريدج فعلاً والكلام ده يمشي علي اي بريدج
3- فى المشكله الاولي اكيد لاحظتم تغير حجم المكثف اد ايه واللى كنت اعرفه فى الحالات اللى مش بلاقي فيها المكثف بتاعى بثبت المايكرو وازود سنه الفولت لكن الكلام ده ازاي بقى

واسف للاطاله بس قلت تعرفوا الموضوع من الالو
م/ اسامة عثمان
21-08-2011, 06:41 PM
أخي أحمد سأجيبك على الترتيب:
1- لاحظ اي عنصر من اشباه الموصلات بأكثر من 3 أطراف يصبح ic وان كان هناك بالفعل ايسيهات ب 3 اطراف فقط .
لم أجد الرقم حتى أقترح البديل لذلك اعطني الموديل بالتفصيل ورقم هذا العنصر على البورده نفسها ..حتى ابحث لك عليه في مخططه .
2- طبعاً دائرة التوحيد تصلح مكان البريدج لأن البريدج داخله 4 دايودات لكن الفرق الوحيد ان البريدج بأربع أطراف خارجين من كتلة واحدة وبالتالي فهو أسهل في التجميع على خط الإنتاج و أسهل في تصميم الدائرة العمليه ... بالبلدي أشيك بكتير من الدايوادت اللي عبارة عن 4 وكل دايود بطرفين يعني كلهم 8 أطراف ... لكن راعي شدة تيار الدايودات اللي هتستخدمها لاتقل عنى 3 أمبير ....
3- موضوع المكثف ده طبعاً عندنا ديار إفتاء في الإلكترونيات في كل محلات الصيانه !!! الناس تحب تفتي وتقولك ركب ده هيشتغل متخافش ! ونصيحة إلتزم بالمكثف الأصلي ولا تحيد عنه بهذا الشكل ... هتقولي طب الجهاز إشتغل هقولك أوكي... انت عندك التيار المتردد الداخل 220 فولت والتيار بعد البريدج 220 فولت مستمر وحضرتك ركبت مكثف 250 فولت يعني انت في الأمان ب 30 فولت فقط يعني حضرتك أي زيادة لحظيه في التيار عن 220 هتلاقي انتفاخ في المكثف ده غير ظروف التشغيل نفسها اللي بتستنزف المكثف يعني آجلاً أو عاجلاً هتلاقي مشكله من المكثف ده بالتحديد ولا أستبعد إنفجاره و خروج دخان ابيض كثيف منه يوماً ما !!! المصمم لما إختار ال 450 فولت كقيمه للمكثف كان حاسبها بالورقه والقلم مش بالإفتاء !!
احمد_اتون
21-08-2011, 07:26 PM
تسلم اخي اسامه علي هذا الشرح وانا عن نفسي والحمدلله بحب استمتع بشرحك المستفيض من ايام ما بدأت من فتره قصيره وكانت اول مشكله عندي فى سماعات .
بس فى معلومه احب اعرفها منك معناها ايه اي حاجه بأكثر من ثلاث ارجل بقت IC يعنى الترانزستور اللى بنتكلم فيه اقول IC ولا ع ايه الكلام

وديه معلومات الترانزستور بين قوسين - IC علشان ماحدش يزعل

DF50
B
dm0565R
احمد_اتون
21-08-2011, 07:40 PM
تقريباً يااخي اسامه انا كنت كاتب فى المشاركه الاولى الرقم غلط 555 ولما اتصلت باخويا علشان يقرا الرقم بالكامل علشان اقولهولك لقيت نظره احسن منى .... ههههه.... فقالى ان هيا 565 ودورت فى الداتا شيت بتاعتها لقيت ان بديلها 7652RB
وده رابط الداتاشيت (http://www.scribd.com/doc/38843138/Datasheet-DMO565R)اللى شفت عليها
ولو فيه بديل تانى او لو كلامي فى حاجه غلط برجاء تنبيهي
فى انتظار ردك
م/ اسامة عثمان
22-08-2011, 06:56 AM
تسلم اخي اسامه علي هذا الشرح وانا عن نفسي والحمدلله بحب استمتع بشرحك المستفيض من ايام ما بدأت من فتره قصيره وكانت اول مشكله عندي فى سماعات .
بس فى معلومه احب اعرفها منك معناها ايه اي حاجه بأكثر من ثلاث ارجل بقت IC يعنى الترانزستور اللى بنتكلم فيه اقول IC ولا ع ايه الكلام

وديه معلومات الترانزستور بين قوسين - IC علشان ماحدش يزعل

DF50
B
dm0565R

أنظر يا أخي احمد .. لو مسكت ترانزستور مثل C945 هتلاقيه ترانزستور npn حسب الداتا شيت لو أضفنا ليه بعض المكونات مثل مقاومات ومكثفات سيراميك و زينر مثلاً وادمجناهم بداخل عنصر طبق الأصل من الترانزستور ده ممكن أسميه إيه؟ ده IC لأنه أصبح يعمل وفقاً لدائرة داخليه هو أحد عناصرها ... والفيصل هي الداتا شيت هي التي ستخبرك هل هو ترانزستور أم ريجيوليتور " منظم جهد " أم IC
م/ اسامة عثمان
22-08-2011, 06:59 AM
تقريباً يااخي اسامه انا كنت كاتب فى المشاركه الاولى الرقم غلط 555 ولما اتصلت باخويا علشان يقرا الرقم بالكامل علشان اقولهولك لقيت نظره احسن منى .... ههههه.... فقالى ان هيا 565 ودورت فى الداتا شيت بتاعتها لقيت ان بديلها 7652RB
وده رابط الداتاشيت (http://www.scribd.com/doc/38843138/Datasheet-DMO565R)اللى شفت عليها
ولو فيه بديل تانى او لو كلامي فى حاجه غلط برجاء تنبيهي
فى انتظار ردك
ماشي ياعم بتوهني :confused: .. عموماً ولا يهمك بس ملقتش بديل لازم تجيب نفس الرقم للأسف... لكن ما الذي جعلك تحكم على تلفه؟ ما قياساتك التي أوصلتك إلى هذا الإستنتاج؟
احمد_اتون
22-08-2011, 08:09 AM
تقييمي ان هو اللى فاصل طبعا لم اقم بقياسه علشان زي ماقولتلك اول مره اشتغل فى شاشه وبالتالى اول مره اشوف ترانزستور 6 ارجل - حتى وانا بسأل عليه عند الاتنين اللى حدانا بتوع الالكترونيات المفروض الاتنين قالولي الترانزستور مش موجود ده بتاع باور ايه قولت لهم شاشه - قالك شفها عند بتوع التليفزيونات .
وزي ما اتفقنا المكثفات اللى لقيتها بايظه اتغيرت وقياس المقاومات اللى موجوده سليم والمكثف الكبير على القياس شحن وتفريغ تمام والملف سليم يبقى فاضلي الاتنين دول اللى ماتغيروش البريدج والايسي ..... وده ع حد علمي فى الشاشات اولا... وكدائره باور قدامي ثانياً.
وطبعا شوفت ان هو ic فى الداتا شيت اللى حطتها فى المشاركه السابقه ولقيت بديل واحد اللى انا كتبته مش اكتر بس الحمدلله مالقتهوش عندنا برضه ....... هههههههههه
م/ اسامة عثمان
22-08-2011, 01:08 PM
تقييمي ان هو اللى فاصل طبعا لم اقم بقياسه علشان زي ماقولتلك اول مره اشتغل فى شاشه وبالتالى اول مره اشوف ترانزستور 6 ارجل - حتى وانا بسأل عليه عند الاتنين اللى حدانا بتوع الالكترونيات المفروض الاتنين قالولي الترانزستور مش موجود ده بتاع باور ايه قولت لهم شاشه - قالك شفها عند بتوع التليفزيونات .
وزي ما اتفقنا المكثفات اللى لقيتها بايظه اتغيرت وقياس المقاومات اللى موجوده سليم والمكثف الكبير على القياس شحن وتفريغ تمام والملف سليم يبقى فاضلي الاتنين دول اللى ماتغيروش البريدج والايسي ..... وده ع حد علمي فى الشاشات اولا... وكدائره باور قدامي ثانياً.
وطبعا شوفت ان هو ic فى الداتا شيت اللى حطتها فى المشاركه السابقه ولقيت بديل واحد اللى انا كتبته مش اكتر بس الحمدلله مالقتهوش عندنا برضه ....... هههههههههه


شوف يا أخ أحمد ... التفوق في الصيانه يأتي من الإستنتاجات التي تبنى على أساس علمي وليست الفروض فقط !
يجب عليك أخذ قياسات على خرج الشوبر " الملف الموجود في الباور " والخرج في الناحية التي عليها المكثفات الكيميائية ذات الجهود الصغيرة مثل 10/16/25/35 فولت .. لو وجدت الجهود عليها فدائرة الباور سليمة أخي العزيز
إبدأ شغلك من الأسهل للأصعب .. قيس الكابل الخاص بالباور ثم الفيوز ثم البريدج ثم خرج الشوبر ثم دائرة الإنفرتر وفيوزاتها ... لن يخرج العيب عنهم .. وأنا متأكد من بساطة العيب
احمد_اتون
22-08-2011, 07:15 PM
يجب عليك أخذ قياسات على خرج الشوبر " الملف الموجود في الباور " والخرج في الناحية التي عليها المكثفات الكيميائية ذات الجهود الصغيرة مثل 10/16/25/35 فولت .. لو وجدت الجهود عليها فدائرة الباور سليمة أخي العزيز
إبدأ شغلك من الأسهل للأصعب .. قيس الكابل الخاص بالباور ثم الفيوز ثم البريدج ثم خرج الشوبر ثم دائرة الإنفرتر وفيوزاتها ... لن يخرج العيب عنهم .. وأنا متأكد من بساطة العيب


اخي اسامه شكرا للمتابعه وبالفعل اول شئ قبل كتابتى لهذا الموضوع هو قيامي بالقياس من اول كابل الباور والفيوز وكان الفيوز به مشكله وتم تغييره .... ودائره الانفرتر وكان بها مكثف سيراميكي ... والشوبر خرجه سليم بعد تغيير المكثفات 470uf 10v , 470uf 25v .... ففضل عندي الIC الذى تم ذكره وماعرفتش هل له قياس ولا لأ ودوت على طريقه لقياسه بما انه ترانزستور مالقتش ... وفى الاخر طلع IC يعنى شكرا فقلت يبقى يتغير مباشره ونتابع بعدها...

وان شاء الله بعد الفطار لما انزل هبتدي اخد القياسات مره اخري ممكن اكون نسيت حاجه تتقاس فى الطريق .... وارجوا منك اولا استحمالي لاننى فى بدايه طريق الشاشات ..... واذا كان لديك اي معلومات عن هذه الشاشه وان كانت بالصور او اعطال لشاشات اخري اكون شاكر لك.....
وقمت بقراءه جميع المواضيع والمشاركات هنا وعلى معظم المواقع الاخري حتى افهم طريقه فحص الشاشه واصلاح العيوب قبل اي شئ وذلك مما ساعدنى على اصلاح الشاشه الاولي (بخلصلك حلولك اللى ممكن تقولهالي) هههههههه
م/ اسامة عثمان
23-08-2011, 01:45 AM
اخي اسامه شكرا للمتابعه وبالفعل اول شئ قبل كتابتى لهذا الموضوع هو قيامي بالقياس من اول كابل الباور والفيوز وكان الفيوز به مشكله وتم تغييره .... ودائره الانفرتر وكان بها مكثف سيراميكي ... والشوبر خرجه سليم بعد تغيير المكثفات 470uf 10v , 470uf 25v .... ففضل عندي الic الذى تم ذكره وماعرفتش هل له قياس ولا لأ ودوت على طريقه لقياسه بما انه ترانزستور مالقتش ... وفى الاخر طلع ic يعنى شكرا فقلت يبقى يتغير مباشره ونتابع بعدها...

وان شاء الله بعد الفطار لما انزل هبتدي اخد القياسات مره اخري ممكن اكون نسيت حاجه تتقاس فى الطريق .... وارجوا منك اولا استحمالي لاننى فى بدايه طريق الشاشات ..... واذا كان لديك اي معلومات عن هذه الشاشه وان كانت بالصور او اعطال لشاشات اخري اكون شاكر لك.....
وقمت بقراءه جميع المواضيع والمشاركات هنا وعلى معظم المواقع الاخري حتى افهم طريقه فحص الشاشه واصلاح العيوب قبل اي شئ وذلك مما ساعدنى على اصلاح الشاشه الاولي (بخلصلك حلولك اللى ممكن تقولهالي) هههههههه

يا أخي العزيز طالما يوجد فولت بعد الشوبر إنسى أي سي الباور .... لو هو تالف كانت الجهود دي هتكون موجودة إزاي طيب ؟!!
إشتغل على دايرة الإنفرتر وترانزستوراتها وفيه فيوز صغير تأكد منه
احمد_اتون
23-08-2011, 08:56 PM
شكرا لمتابعتك اخي اسامه ولكنى لم اصل لشئ فهل من مساعده على صوره الباور المرفقه وتحديد المكان الذى ابحث فيه بالضبط وهي من نوع Viewsonic VA912
http://img.alibaba.com/wsphoto/v0/380716027/Inverter-Power-board-19-Viewsonic-VA912B-FSP043-2PI01.jpg
م/ اسامة عثمان
24-08-2011, 06:30 AM
أخي العزيز أحمد آتون :
شاهد الصورة المرفقه ولاحظ ترقيم الدوائر الإلكترونيه على الصورة:
الدائرة رقم 2 هي دائرة دخل التيار المتردد 220AC تنتتهي عن الشوبر المربع الأصفر ووظيفتها إنتاج جهد ثابت حتى مع تغير جهد الدخل المتردد يعني لو زاد التيار الكهربي أو قل بحدود حسب تصميم الدائرة فالجهد الداخل للشوبر ثابت لا يتغير.. ويقوم بهذه الوظيفه الآي سي الذي ذكرته في المقدمه ..
الدائرة 3 هي دائرة الخرج وهي على خرج الشوبر وجهودها وتياراتها ثابته لا تتغير ..
العنصر الذي يتواجد بداخل المستطيل الأبيض هذا هو الفوتوكابلر photocoupler
http://image.tradett.com/images/products/EA2010414152829205uTinaclh/photo-coupler.jpg
ووظيفته الإمداد بالتغذيه الخلفيه من خرج الشوبر لآي سي الباور يعني لو حصل شورت صريح في الخرج هو بيفتح دائرة الدخل وبالتالي مفيش دخان ! ويعتبر وقايه لهذه الدائرة
الدائرة 1 هي دائرة الإنفرتر Inverter وهي مربط الفرس وهي التي نحن بصددها الآن يتواجد داخل حدودها ملف الهاي تينشن طبعاً لها تكمله أسفل البورده لأن الترانزستورات والموسفتات بالتأكيد هي surface mounted أي مثبته باللحام على سطح البورده من أسفل لذلك لابد من مراجعة هذه الموسفتات بالقياس خارج الدائرة و تابع طريقة قياس الموسفت العادي في قسم الشروحات وكذلك الموسفتات ذات ال 8 أطراف في موضوع أخي م/محمد عبد العظيم
http://egychip.com/vb/showthread.php?t=9407
متابع معاك إلى النهايه بإذن الله
احمد_اتون
24-08-2011, 07:36 AM
شكرا اخي اسامه ع هذه المعلومات
بالفعل انا عملت على الرسم رقم 2 و 3 فقط
ففى الرسم رقم 2 وجدت المكثف الاصفر
وفى الرسم رقم 3 الـ 5 مكثفات الموجودين
والمكثف الموجود فى الرسم مابين 2 و 3 الموازي للفوتوكبلر فى الطرف الاخر من الشوبر

ولم اجد على الرسم رقم 1 الا البفات وتقوم بعمليه الشحن والتفريغ ولم اجرب ان اقيس الترانزستور اللى على سطح البورده.
فغداً ان شاء الله سوف اقوم بفك الترانزستور الموجود على سطح البورده وقياسه بالخارج ام له قياس بالداخل

وارجوا امدادي فى كيفيه قياس هذا ام لا قياس له وهذا من باب المعرفه لاننى قرأت طريقه القياس اللى حضرتك ذكرتها والخاصه ب 8 اطراف ولم افهمها بالشكل الكافي

وشكرا لك على متابعتك اخي العزيز
احمد_اتون
28-08-2011, 05:30 AM
قمت باخراج ال2 موسفت ذو 8 ارجل والاثنين قايسين كما تكرمت ووضعت طريقه قياسهم
واليك صوره مرفقه للقطع التى تم تغييرها وهى بلون احمر.
اللون البنفسجي وديه البينات اللى بتركب ع بورده الداتا بس مش لاقي خرج باور عليها لا 12 ولا 5 فولت.
اللون الازرق هما شبه ترانزستور طلعتهم بره الدايره قلت اقيسهم بما ان كان في 5 مكثفات بايظين جنبهم لما طلعتهم لقيت عليهم رسم الدايود
واحد رقمه lt5211 وقياسه على الطرفين 145
والثاني رقه 551 والسطر اللى تحتيه mbr10100ct وقياسه على طرف 278 والطرف الاخر 284
فهل فى حل لهذه الدائره
م/ اسامة عثمان
28-08-2011, 02:42 PM
قمت باخراج ال2 موسفت ذو 8 ارجل والاثنين قايسين كما تكرمت ووضعت طريقه قياسهم
واليك صوره مرفقه للقطع التى تم تغييرها وهى بلون احمر.
اللون البنفسجي وديه البينات اللى بتركب ع بورده الداتا بس مش لاقي خرج باور عليها لا 12 ولا 5 فولت.
اللون الازرق هما شبه ترانزستور طلعتهم بره الدايره قلت اقيسهم بما ان كان في 5 مكثفات بايظين جنبهم لما طلعتهم لقيت عليهم رسم الدايود
واحد رقمه lt5211 وقياسه على الطرفين 145
والثاني رقه 551 والسطر اللى تحتيه mbr10100ct وقياسه على طرف 278 والطرف الاخر 284
فهل فى حل لهذه الدائره

أخي أحمد ..ذكرت لي في البدايه أن الجهود موجودة على المكثفات والآن تقول لا يوجد 5 ولا 12 فولت ولذلك قلت لك إذا آي سي الباور سليم ... أخي جهود الخرج في الغالب الأعم تجدها متواجده معاً يعني لو لقيت 5 هتلاقي 12 وهكذا .. الموحدات قراءتها سليمه إستبعدها ..أخي ليس أمامك سوى تغيير آي سي الباور وأستبعد أي مشكله في الفوتوكابلر وأن كان تغييره لن يكلفك شئ ..
احمد_اتون
28-08-2011, 06:40 PM
طب ايسي الباور ده ممكن يبقى ايه بديله
m0565R
علشان البديل اللى لقيته من خلال الداتا شيت m07652rb وفى مشكله ان الايسي الاساسي 6 ارجل والبديل 5 ارجل والاتنين مش موجودين ...
فممكن لو في بدايل تانيه تقولي عليها
وبرضه الفوتوكبلر بيتغير بنفس الارقام اللى عليها ولا مش بيفرق
م/ اسامة عثمان
29-08-2011, 05:22 AM
طب ايسي الباور ده ممكن يبقى ايه بديله
m0565r
علشان البديل اللى لقيته من خلال الداتا شيت m07652rb وفى مشكله ان الايسي الاساسي 6 ارجل والبديل 5 ارجل والاتنين مش موجودين ...
فممكن لو في بدايل تانيه تقولي عليها
وبرضه الفوتوكبلر بيتغير بنفس الارقام اللى عليها ولا مش بيفرق

أخي هذا الآي سي إبحث عنه في القاهرة أو من بورده أخرى ... على فكرة دوائر الباور ممكن تتعدل بس ده يحتاج خبرة مش هينفع إلا بالممارسه العمليه مهما شرحت لك ...
بالنسبة للفوتوكابلر غالباً هتلاقي رقمه 817 وهو موجود في اي كارتة باور سبلاي عاديه ومتوافر في محلات قطع الغيار الإلكترونية
احمد_اتون
29-08-2011, 07:18 AM
يعنى افهم ان لازم نفس الرقم بتاعه او البديل المذكور اللى هو 5 اطراف
غير كده مافيش حاجه تانيه..
ولو فيه اي موضوع ع الاقل للقراءه فى موضوع تعديل الباور اللى حضرتك ذكرته وايه فائدته
احمد_اتون
31-08-2011, 06:39 PM
جاري البحث عن اي سي الباور وابلاغكم بالنتيجه ان شاء الله