رجاء من الخبراء الدخول لشرح قياس اجزاء الماذر بور

[ماذر بورد]

السلام عليكم ورحمة الله وبركاتة


انا لسة مبتدء صغير فى هذا المجال ونفسى اتعلم جدا صيانة الماذر بورد
فاياريت اى احد من الخبراء يقوم بشرح كيفية قياس الاجزاء الموجودة على الماذر بورد ويكون شرح بالصور يعنى مثلا شرح الموسوفت اللى بجوار البوسيسور كيف يقاس على البوردة وخارج البرودة وازاى اعرف انه شغال وامتة اعرف انه بايظ وكيفية استخدام الافو ميتر بطريقة سهلة للمبتدئيين اللى زى وكذالك المكثف كيف يقاس داخل الماذر بورد و خارجها وازاى اعرف انه بايظ وازاى اعرف انة شغال

[ENG.JOHN]

افتح الفهرس اللي في المواضيع المثبته

[ماذر بورد]

اشكرك اخى بس لم اجد ما اطلبة بالتحديد
انا اطلب مثلا وضعت كارت التستر فى الماذر بورد واعطانى ان لمبة الـــ rst منورة على طول يبقى كدة الماذر بورد لم تشعر بالبوسيسور يبقى فى الحالة دى ما هى الاعطال الشائعة وكيف ابداء للوصول الى الحل السليم وكيف اقوم بقياس دائرة البسيسور واعرف كيف اقيس الموسوفت واعرف انة شغال لو بايظ من على البوردة وهو راكب فى البوردة

[ALiRAdi]

السلام عليكم اخى الكريم

فى حالة انك وضعت كارت التستر واللمبة الـ ريست منورة على طول دا يعنى ان البوردة مش حاسة بالبروسسر - والكلام دا تمام حاول بأيدك ان تلمس البروسسر وهل تجد سخونة شديدة ولا ضعيفة ولا مفيش خالص

نفترض انك لم تجد سخونة اساسا او وجدت سخونة خفيفة جدا

تبدأ بالتأكد من
1- ان اسنان البروسسر سليمة فى حالة البروسسر العادى واسنان البوردة سليمة ومستوية فى حالة البروسسر الـ LGA
2- لو كله تمام هنشيل البروسسر ونبدأ فى قياس الفولتيات الناتجة على المكثفات فهل تجد قيمة المناسبة للبروسسر ولا لاء ، لو لم تجد هذه القيمة تعرف ان فى تلف فى احد الموسفتات او المكثفات - انا عن نفسى بقوم بتغير كل المكثفات فى هذه الحالة وابدأ اكشف على الموسفتات والدرايفرات الموجودة

طرق قياس الموسفتتات والدرايفرات كما قال اخى الكريم ومشرفنا الكبير احمد محمود

يفضل ان تقاس خارج الدائرة بمعنى انك هتشيل الموسفت وبعدين تقيس

طريقة قياسه

هتضع الزراع الاسمر للافو على القاعدة وتغير بالزراع الاحمر على طرفي الموسفت تجد قيمة على واحد منهم والاخر لا يقيس وهذا سليم ان كان غير ذلك فهو تالف اى لو كان يقيس من الجانبين او يعطى صفارة

وللتوضيح اكثر منى هذا رابط الاستاذ الكبير احمد محمود

http://egychip.com/vb/showthread.php?t=37 (http://egychip.com/vb/showthread.php?t=37)

وهذا كلامه فى هذه الجزئية

الترنزيستور الوظيفة
1- تكبير الاشارة 2- توليد الاشارة 3- الربط بين الدوائر4- تثبيت الجهد
الرمز Q
طريقة قياس الموسفت ترنزيستور
اولا وضع الافو الدجتال على وضع الجرس ويتم الاتى
وضع الوير الاسود السالب على القاعد كم امامك فى الصورة واقياس بالوير الاحمر الموجب على المجمع مرة والمشع
مرة يقاس معاك على المجمع ولا يقاس على المشع بعد ذلك اعكس الاحمر على القاعدة والاسمر
يقياس المجمع والمشع المفروض لايقاس معك واعكس الاحمر على المجمع والاسود على المشع والاحمر على المشع والاحمر على المجمع المهم مجموع القياس ستة 6 مرات يقاس فيهما مرة واحدة والله الموفق

[ماذر بورد]

شكرا اخى الحبيب
بس ممكن توضيح شىء معين لماذا اقيس 6 مرات كما ذكرت ماذا اعرف بعد دة كلوا ام ماذا يعطينى الافو ميتر وهل يوجد طريقة لقياس الموسوفت غير انى اخلعة حتى اعلم انة بايظ او سليم

[ALiRAdi]

بص يا اخى انا عن نفسى مبتدأ بردو

ولكن لابد ان تعلم ان القياس الصيحيح لهذه الموسفيتات او الدرايفرات على حد علمى كما تعلمته من هذه المنتديات ايضا انه لابد من خلعه وقياسه خارج الدائرة

فلابد ان تكون تجيد التعامل مع الهوت اير وهى ليست بصعبة فأنا مبتدأ والحمدلله اتعامل مع الكاوية الهوت اية بطريقة الحمدلله تمام

فلا تخف من شىء ابدأ بمازربورد بايظة مثلا واشتغل بالهوت والجيفت وعيش حياتك من فك وتركيب

اما لسؤالك عن ماذا يعطيك الافو فى حالة القياس فأعزرنى لعدم توضيحى لهذه النقطة

- اولا تظبط الافو على وضع الصفارة او على حسب نوع الافو عندك المهم يكون وضع الدايود وفى بعض موديلات الافو يوجد وضع الصفارة لوحده ووضع الدايود لوحده

- بعد ضبط الافو على وضع الصفارة ( او الدايود على حسب نوعه ) تضع زراع االافو الاسمر على القاعدة وتغير بالاحمر على طرفى الترانزستور سوف تظهر قيمة مابين تقريبا 200 فأعلى لاحدى طرفين الذى تغير منهم بالزراع الاحمر فى هذه المرحلة انتا تخطيت اثنين من طرق القياس الصحيح

ثم تعكس الزراع الاسمر مع الزراع الاحمر يعنى الاحمر على القاعده ثم تبدأ فى تغيير الزراع الاسمر على طرفى الترانزستور فتكون النتيجة بالافو لاشىء وهذا يعنى ان الترانزستور سليم ايضا وكدا خلصنا اثنين ايضا من القياس

باقى اثنين وهو انك تستخدم الزراع الاسمر والاحمر ان تضع الاسمر مثلا على طرف من اطراف الترانسستور والاخر الاحمر على الطرف الاخر ( حالة انه سليم لا توجد قيمة ) ثم تعكس الاحمر ع الطرف الاخر والاسمر نفس القصة ( حالة انه سليم لا يعطى قيمة ايضا )

اتمنى ان اكون وفقت فى توصيل جزء من المعلومة لحضرتك

[ALiRAdi]

بص يا اخى انا عن نفسى مبتدأ بردو

ولكن لابد ان تعلم ان القياس الصيحيح لهذه الموسفيتات او الدرايفرات على حد علمى كما تعلمته من هذه المنتديات ايضا انه لابد من خلعه وقياسه خارج الدائرة

فلابد ان تكون تجيد التعامل مع الهوت اير وهى ليست بصعبة فأنا مبتدأ والحمدلله اتعامل مع الكاوية الهوت اية بطريقة الحمدلله تمام

فلا تخف من شىء ابدأ بمازربورد بايظة مثلا واشتغل بالهوت والجيفت وعيش حياتك من فك وتركيب

اما لسؤالك عن ماذا يعطيك الافو فى حالة القياس فأعزرنى لعدم توضيحى لهذه النقطة

- اولا تظبط الافو على وضع الصفارة او على حسب نوع الافو عندك المهم يكون وضع الدايود وفى بعض موديلات الافو يوجد وضع الصفارة لوحده ووضع الدايود لوحده

- بعد ضبط الافو على وضع الصفارة ( او الدايود على حسب نوعه ) تضع زراع االافو الاسمر على القاعدة وتغير بالاحمر على طرفى الترانزستور سوف تظهر قيمة مابين تقريبا 200 فأعلى لاحدى طرفين الذى تغير منهم بالزراع الاحمر فى هذه المرحلة انتا تخطيت اثنين من طرق القياس الصحيح

ثم تعكس الزراع الاسمر مع الزراع الاحمر يعنى الاحمر على القاعده ثم تبدأ فى تغيير الزراع الاسمر على طرفى الترانزستور فتكون النتيجة بالافو لاشىء وهذا يعنى ان الترانزستور سليم ايضا وكدا خلصنا اثنين ايضا من القياس

باقى اثنين وهو انك تستخدم الزراع الاسمر والاحمر ان تضع الاسمر مثلا على طرف من اطراف الترانسستور والاخر الاحمر على الطرف الاخر ( حالة انه سليم لا توجد قيمة ) ثم تعكس الاحمر ع الطرف الاخر والاسمر نفس القصة ( حالة انه سليم لا يعطى قيمة ايضا )

اتمنى ان اكون وفقت فى توصيل جزء من المعلومة لحضرتك والله الموفق

[starhany]

.نعم زى ما الاخ قالك بالظبط وشكرا

[مهندس مكة]

ممكن تقيس الترنسيستورات سواء كانت موسيفات او ريغولاات وهي في البوردة عن طريق قياس خرج الفولت اثناء التشغيل تكون متساوية للفولتات الخارجة لمذربورد سليم وغير ذلك يعني غير سليم
اما بالنسبة للموسفات حول البروسيسور تكون خرج الفولتات متساوية كلها بالقيمة والشاذ منها غير سليم

[ALiRAdi]

مشكور اخى مهندس مكة للإضافة وبارك الله فيك اخى الكريم

[mhm2eg]

مشكور وربنا يبارك فيكم

[ENG.JOHN]

بص يا اخى انا عن نفسى مبتدأ بردو

ولكن لابد ان تعلم ان القياس الصيحيح لهذه الموسفيتات او الدرايفرات على حد علمى كما تعلمته من هذه المنتديات ايضا انه لابد من خلعه وقياسه خارج الدائرة

فلابد ان تكون تجيد التعامل مع الهوت اير وهى ليست بصعبة فأنا مبتدأ والحمدلله اتعامل مع الكاوية الهوت اية بطريقة الحمدلله تمام

فلا تخف من شىء ابدأ بمازربورد بايظة مثلا واشتغل بالهوت والجيفت وعيش حياتك من فك وتركيب

اما لسؤالك عن ماذا يعطيك الافو فى حالة القياس فأعزرنى لعدم توضيحى لهذه النقطة

- اولا تظبط الافو على وضع الصفارة او على حسب نوع الافو عندك المهم يكون وضع الدايود وفى بعض موديلات الافو يوجد وضع الصفارة لوحده ووضع الدايود لوحده

- بعد ضبط الافو على وضع الصفارة ( او الدايود على حسب نوعه ) تضع زراع االافو الاسمر على القاعدة وتغير بالاحمر على طرفى الترانزستور سوف تظهر قيمة مابين تقريبا 200 فأعلى لاحدى طرفين الذى تغير منهم بالزراع الاحمر فى هذه المرحلة انتا تخطيت اثنين من طرق القياس الصحيح

ثم تعكس الزراع الاسمر مع الزراع الاحمر يعنى الاحمر على القاعده ثم تبدأ فى تغيير الزراع الاسمر على طرفى الترانزستور فتكون النتيجة بالافو لاشىء وهذا يعنى ان الترانزستور سليم ايضا وكدا خلصنا اثنين ايضا من القياس

باقى اثنين وهو انك تستخدم الزراع الاسمر والاحمر ان تضع الاسمر مثلا على طرف من اطراف الترانسستور والاخر الاحمر على الطرف الاخر ( حالة انه سليم لا توجد قيمة ) ثم تعكس الاحمر ع الطرف الاخر والاسمر نفس القصة ( حالة انه سليم لا يعطى قيمة ايضا )

اتمنى ان اكون وفقت فى توصيل جزء من المعلومة لحضرتك والله الموفق

10/10 بارك الله فيك شرح تمام

[aldream]

ممكن اعرف كيف قياس خرج الفولت اثناء التشغيل للموسفت او المكثف و الملف
وشكرا