مازر بورد ecs p4 lga قاطعه داتا برجاء المساعده

[م/ اسامة عثمان]

السلام عليكم جميعا /

المشكلة النهارده مع مازرecs موديل p4m800pro-m v1:0
المازر قاطعه داتا وعلى التستر لمبة rst منورة مش حاسس بالبروسيسور ولا توجد أي أكواد على التستر "الشاشة مظلمة " اللمبات فقط المضيئة
فحصت دوائر الباور لجميع الدوائر "رامات " تمام - البروسيسور جهده 1.3 فولت وحرارته منخفضه جدا ممكن أقول مش بيسخن وموسفتاته بتسخن كأن فيه معالجه !!.. التشيب الشمالي والجنوبي باردين زي التلج وجهودهم مظبوطة .. يا ترى ممكن الاقي طريق الحل ؟ أن شاء الله ..أنا واثق في الله ثم فيكم
وجزاكم الله خيرا

[ENG.JOHN]

هو بالنسبة ل rst ممكن يكون عيب الشيب يتسخت تحتيه مبدايا ولكن ممكن فبل ما تسخن تحت الشيب افضل ركب شريحة بايوس تانيه اسهل يعني

[Mohamed101]

ياريت تقولنا باقي اللمبات ايه وحالتهم ايه كما قال المهندس eng.john اشحن بيوس وتأكد من سلامه خط ال12 مكثفات والميم كنترول وياريت تتاكد ان جميع الكويلات او الملفات عليها خرج البرسيسور ومن ثم المكثفات

[م/ اسامة عثمان]

تسلمولي يا اخوتي eng.john & mohamed 101
انا عملت كل اللي انتوا طلبتوه قبل ما ابعت كمان انا سخنت تحت التشيب الجنوبي وتحت قاعدة البروسيسور ومن قبل شحنت بيوس طبعا بلا نتيجة
حتى ال i/o غيرته بلا نتيجة .. اللمبات كلها مضيئة ما عدا osc و bios .

[Mohamed101]

طيب طالما انت متاكد من ان جميع الفولتيات سليمه ممكن تغير شريحه البيوس وتشحنها وتجربه برسيسور اخر او سامحني ممكن يكون جمبر الكلير مش في

وضعيته السليمه

[م/ اسامة عثمان]

هغير الفلاشه وهرد عليك يا مان وشكرا جزيلا ليك .. بالنسبه للوضع الجمبر طبعا يا مان جل من لا يسهو كلنا بننسى مفيش كلام بس انا اتاكدت منه

[م/ اسامة عثمان]

للأسف تم تغيير الفلاشه وشحنها ولا جديد :mad:

[عماد المراغه]

اخي العزيز غير بروسيسور وتاكد من سلامة قاعدة البروسيسور
متابع

[م/ اسامة عثمان]

شكرا اخي العزيز عماد على مشاركتك معايا والله كنت في بالي فينك بس عادي امبارح الجمعه محدش فاضي :D
شوف يا سيدي انا غيرت البوسيسور والقعده سخنت تحتها وشيكت على البنات بتاعة القاعده وكله زي الفل وبرده مفيش نتيجة
عايز أقولك ملحوظة يمكن تفيد في المشكله دي ..آي سي الفريكوانسي فيه رجلين معينين لما اعمل عليهم قفله واشيل القفله لمبة rst بتطفي ولما ابتدي اعمل reset لمبة ال rst بتنور وتطفي معايا بس مفيش جديد ! كله زي التلج !
كذلك فيه قفله بعملها على الناحية اليمين من i/o تروح الشاشه منورة "مع انها مش بتنور خالص" وتكتب FF
طبعا القفلات كلها مدروسه طرف ال vcc مش طرف معايا ف الموضوع عشان نتجنب الدخان !!!
السؤال أغير التشيب الجنوبي ولا ايه رأيك ؟!:confused:

[عماد المراغه]

عندما تكون دائرة البروسيسور سليمه والبروسيسور سليم والقاعده سليمه ولا تشعر البرده بالبروسيسور
يبقي سبب واحد ليس له ثاني
الشيب الجنوبي
قم بتغيره
والله المستعان

[م/ اسامة عثمان]

اخي العزيز دايما كلامك صح .. تم تغيير التشيب الجنوبي والمازر بقت اوكي
جزاك الله الف خير

[عماد المراغه]

الحمدلله
ينقل لافاده

[م/احمد محمود]

الحمدلله
ينقل لافاده
متابعه موفقه مهندس عماد

[أبو جهاد المصري]

جزاك الله خيرا

[محمودالدهشان]

الحمد الله على حل المشكلة وفعلا الشيب بيكون تالف وماشرط يسخن حصل معاى كتير

[احمد عبد الحفيظ]

الله الله على اجمل مواضيع الاعطال وحلها فى مدرسة ايجى شيب
الكبير كبير طول عمره