المساعدة فى ترتيب كابل داتا الشاشات

[AMD2009]

بصراحة انا عايز حد يفهمنى تغيير كابل داتا الشاشات
راجعت كل المواضيع فى كل المنتديات بس مش بفهم حيث ان كابل الشاشة اللى بيدخل فى كارت الفيجا فية 15 بن ومن الداخل الشاشة اوقات بيكون 5 او 6 كما فى شاشات hp ومش عارف اغير الكابل ازاى ؟؟؟؟ ارجوا حد يفهمنى القصة كلها وكمان بجيب الكبل الجديد منين وسعرة عامل اى واسف طولت عليكم

[م/سعيد المصرى]

راجع الرابط التالى اخى الغالى ستجد طلبك ان شاء الله

برنامج يسهل عليك تغيير كابل الشاشات socket Monitor (http://egychip.com/vb/showthread.php?t=585)

[AMD2009]

نزلت البرنامج بس بردو مش فاهم حاجة اما بفتح شاشة بشوف ان كابل الداتا من جوة 5 سلوك بس فى سوكيت ابيض صغير مع ان الناحية اللى بتوصل لكارت الفيجا 15 بن ....ازاى حصل ده؟؟؟؟؟ولا لكل شاشة كبل خاص

[رمضان سيد]

بصراحة انا عايز حد يفهمنى تغيير كابل داتا الشاشات
راجعت كل المواضيع فى كل المنتديات بس مش بفهم حيث ان كابل الشاشة اللى بيدخل فى كارت الفيجا فية 15 بن ومن الداخل الشاشة اوقات بيكون 5 او 6 كما فى شاشات hp ومش عارف اغير الكابل ازاى ؟؟؟؟ ارجوا حد يفهمنى القصة كلها وكمان بجيب الكبل الجديد منين وسعرة عامل اى واسف طولت عليكم

أخي الحبيب
هذه هي الخلاصة في ترتيب الأسلاك
** كيف يمكن توصيل كابل للشاشة ان كان الكابل القديم غير موجود ؟
هو فتح الشاشة وقراءة الموجود على السوكت منV H SDA SCL


http://www6.0zz0.com/2009/09/27/01/160129079.jpg




1 2 3 هم الخاصين بالالوان الثلاثة الاحمر والاخضر والازرق بالترتيب
و رقم 4 و 5 و 6 و7 و8 ارضى
رقم 9 بيكون 5 فولت فى الشاشات الحديثة
10 و 11 ارضى
12 serial data ودائما ما يكون مكتوب فى سوكت الشاشة ب SDA
13 اشارة التزامن الافقى H
14 اشارة التزامن الرأسى V
15 serial clock ودائما ما يكون مكتوب فى سوكت الشاشة ب SCL
الخلاصة
الأرضي ممكن تلغيه وتخلي أرضي واحد أو تضمهم مع الأرضي الرئيسي
الألوان 1-2-3 الكل بيعرف يركبهم ودول مش مشكلة
المشكلة هم
13 اشارة التزامن الافقى H
14 اشارة التزامن الرأسى V

ودول ممكن تجربهم مع السلكين الأبيض والأسود للكابل الصيني بس يا ريت تستعمل جهاز P1أو P2 للحرص فقط
ولو الشاشة لم تقم معك يبقي إستخدم رقم 9 وده قليل جدا لما يحصل
وجرب وإحنا معاك

[رمضان سيد]

وبالنسبة للكابل الجديد منتشر في جميع شركات الكمبيوتر
وغالبا بيكون صيني طرفين يتم قطع طرف منهم
وسعره يتراوح بين 4 جنيه و8 جنيه
وإن كنت من القاهرة هتلاقي سعر أحسن في مول البستان أو النخيلي أو باب اللوق
أخوك
رمضان

[رمضان سيد]

علي ما أظن
أنك لاحظت
أنني أتحدث عن 5 سلوك فقط
3 ألوان + 2 رفع
وهذا ما تريده

[microtech82]

karkar789 (http://www.egychip.com/vb/member.php?u=296)
10/10

[microtech82]

لي ملحوظة سريعة لا تقم بتركيب هذا الكابل الصيني
في الشاشات ال 19 و 21 بوصة لأنه يسبب رعشه طوليه اوعرضية
ويستحب ايضا عدم تركيبه في ال 17

الكابل الأصلي تمنه 10جنيه مجتش علي 2 جنيه

[microtech82]

ومعلومة كمان علشان اخي الكريم karkar789 (http://www.egychip.com/vb/member.php?u=296) :

احيانا يتم تركيب ال 5 اطراف بعد تغيير الكابل وتظهر الاشة الصورة تمام والألوان تمام ولكن تظهر رسالة DISCONNECTED عندها يجب عليك توصيل طرفي التزامن الأفقي والتزامن الراسي .

بارك الله فيك اخي م رمضان سيد

[AMD2009]

اشكركم كلهم يا جماعة وانتم فعلاً شجعتونى على تغير كابل الشاشة والشرح ممتاز جدا

[رمضان سيد]

لا شكر علي واجب م/ AMD2009 (http://egychip.com/vb/member.php?u=682)
وتحية خاصة للمهندس microtech82 (http://egychip.com/vb/member.php?u=679)
ونحن نقطة في بحر هندستكم

وألف شكر علي ما تقدمه للمنتدي من معلومات قيمة
جزاك الله بها كل خير
وجعلها لك
لا عليك

[microtech82]

اخي الكريم مهندس رمضان ان مش مهندس ولا حاجه انا خريج اداب انجليزي وان كنت اعمل في مجال الالكمبيوتر من فترة ومعلوماتي ليست كما تتخيل
كلنا لا زلنا نتعلم كل يوم الكثير

وخيركم خيركم لأهله

ومن في المنتدي اخواني

[رمضان سيد]

أخي الحبيب
م /microtech82 (http://egychip.com/vb/member.php?u=679)
وأنا أيضا خريج كلية الآداب قسم اللغة الفرنسية
ولكن ...
العلم لا يقف علي فرع واحد
والدليل علي ذلك علماؤنا المسلمون الأوائل
كانو لا يقفون علي البراعة في مجال واحد
ولذلك سادوا العلم والعالم حينذاك
وفي النهاية
يحضرني القول العظيم
( يضيع العلم بين إثنين
الحياء والكبر )
لك حبي وتقديري
وإحترامي

[gpcnader]

دائما متقدم للأمام وكان الله بعونك ما دمت فى عون الآخرين أخيك / نادر محمد السعيد

[AMD2009]

اخواتي جميعا انا الوقت بقيت تلميذكم في تغيير كابلات الشاشات وبجد من غيركم كنت مش عارف اعمل اي .. بارك الله فيكم جميعا وزادكم علما