هل البلاطات لوحدها كفاية لفك الشيب؟
سؤال لأي حد شغال في BGA
هل ينفع تفك أو تركب الشيب باستخدام IR Heating Plates بلاطات التسخين بالأشعة تحت الحمراء
حتى لو بلاطة من فوق وبلاطة من تحت؟
قبل ما أقول ينفع أو ما ينفعش… خليني أحكيلك حكاية حصلت معايا زمان.
من حوالي 18 سنة تقريباً… كنت بغير الشيب باستخدام جهاز اسمه HOGAN وقبلها كنت شغال بالهوت إير، وفي الوقت ده تقريباً ما كانش حد بيغير الشيب في مصر.
كانت فتحة خير من ربنا بالنسبة لي… والتجربة دي كانت سبب شهرتي في المجال.
وقبل ما أشرح أحب أقدم لكم فيديو تغيير الشيب زمان من سنة 2006.
الموضوع ده كان منشور وقتها في منتدى القرية الإلكترونية اللي كان جامع معظم فنيين مصر في المجال، ولو دخلتوا على اللينك تحت ياريت تبصوا على التعليقات وتشوفوا كلام الناس وقتها… هتلاحظوا إن الموضوع كان فعلاً طفرة في وقته.
https://www.qariya.info/vb/showthread.php?t=28961
بعدها بفترة قلت لنفسي… ليه ما أحاولش أطور الموضوع وأعمل جهاز بنفسي؟
وقتها بدأت أبحث واكتشفت حاجة اسمها IR Ceramic Heaters
بلاطات سيراميكية بالأشعة تحت الحمراء
فقلت أجرب أصمم جهاز يعتمد على البلاطات دي.
وفعلاً بدأت أجمع المكونات وصممت جهاز بسيط يعتمد على البلاطات، وسميت الجهاز وقتها Up Chip.
والجهاز اشتغل فعلاً وبعت منه أجهزة، وناس كتير اشتغلت عليه وشكرت فيه وقتها.
وده فيديو وقت الإعلان عن الجهاز سنة 2008 في منتدى القرية الإلكترونية، ادخلوا على اللينك وابصوا على التعليقات… هتشوفوا قد إيه الناس وقتها كانت شايفة الموضوع.
https://www.qariya.info/vb/showthread.php?t=33576
وفي الوقت ده كان فيه مكان مهم جداً لمعظم فنيين مصر اسمه منتدى القرية الإلكترونية، المنتدى ده كان تقريباً جامع فنيين مصر وكنا بنتقابل فيه ونتناقش مع بعض ونعرض تجاربنا ونساعد بعض في حل المشاكل.
والحقيقة أنا كنت من الأعضاء النشطين في المنتدى وقتها، وكان ليا مواضيع كتير هناك، وأغلب المواضيع دي كانت مواضيع مثبتة وداخل المواضيع المميزة في قسم الهاردوير.
لكن بعد فترة من الشغل بدأت ألاحظ بعض المشاكل.
الغريب إن اللحام شكله ممتاز والبوردة شكلها طبيعي… لكن بعد أيام أو أسابيع المشكلة بترجع تاني.
ساعتها وقفت بيع الجهاز لأني ماكنتش حابب أبيع حاجة لسه فيها مشاكل، وقلت لازم أفهم السبب الأول.
وأنا ببحث في الموضوع بدأت أفهم نقطة مهمة جداً في شغل BGA.
موضوع تغيير الشيب ده كان فضل كبير من ربنا عليّ من زمان، لأن الموضوع ده كان سبب ظهوري في المجال وكان سبب رزق كبير ليا بعد كده.
ومن هنا جه الاسم EGYCHIP لأن كلمة Chip جت أصلاً من شغل تغيير الشيب اللي كنت شغال فيه وقتها، ومن ساعتها بقى الاسم مرتبط بالشغل ده.
الموضوع كله قائم على حاجة اسمها Temperature Profile
منحنى تسخين متدرج للحرارة
يعني الحرارة ما تطلعش مرة واحدة لكن تمشي خطوة خطوة حسب مراحل التسخين.
المراحل غالباً بتكون كده:
– تسخين مبدئي للبورد. Preheat
– تثبيت الحرارة شوية Soak
– مرحلة ذوبان اللحام Reflow
– التبريد التدريجي Cooling
مش المهم الحرارة توصل لكام درجة… المهم توصل إزاي.
في حاجة اسمها Heating Rate معدل ارتفاع الحرارة
لو الحرارة طلعت بسرعة زيادة ممكن تعمل Thermal Shock
صدمة حرارية للبورد
علشان كده أجهزة BGA Rework Station
أجهزة تغيير الشيب بتشتغل بنظام تسخين متوازن. Top Heater — السخان اللي فوق الشيب Bottom Heater — السخان اللي تحت البوردة والاتنين مع بعض بيعملوا Heat Balance توازن توزيع الحرارة. وده يقلل حاجة اسمها Thermal Gradient
فرق الحرارة بين سطح البوردة والطبقات اللي جوه. وفي نقطة مهمة ناس كتير ما تعرفهاش… البلاطات اللي موجودة في مكن الـ BGA IR Heating Plates
مش وظيفتها الأساسية إنها تفك الشيب لوحدها.
وظيفتها الأساسية إنها تعمل Board Preheating تسخين مبدئي لجسم البوردة
يعني تسخن جسم البوردة كلها بالتدريج مش الشيب بس. كمان في شغل BGA فيه مصطلح مشهور اسمه Sandwich Heating يعني البوردة بتتسخن من تحت والشيب بتتسخن من فوق، فالبوردة تبقى في النص زي الساندويتش بالضبط.
لكن لما تعتمد على البلاطات لوحدها حتى لو بلاطة فوق وبلاطة من تحت ممكن تحصل مشاكل زي:
— صدمة حرارية للبورد Thermal Shock
— اعوجاج أو تقوس البوردة PCB Warping
— فقاعات داخل اللحام — Voids
— أكسدة في نقاط اللحام — Oxidation
— تلف بعض المكونات القريبة من الشيب — Component Damage
والغريب إن اللحام ممكن يبان ممتاز والبوردة شكلها طبيعي، لكن بعد أيام أو أسابيع المشكلة تظهر تاني.
الخلاصة ببساطة:
1 شغل BGA مش مجرد حرارة وخلاص — الموضوع كله قائم على Temperature Profile.
2 لازم يبقى فيه تسخين متوازن — Top Heater + Bottom Heater.
3 البلاطات وظيفتها الأساسية — تسخين جسم البوردة.
4 الاعتماد على البلاطات لوحدها ممكن يعمل إجهاد حراري داخل البوردة.
وفي الآخر سؤال للناس القديمة…
مين فيكم كان موجود في الفترة دي؟ ومين فاكر أيام منتدى القرية الإلكترونية؟
مين فيكم كان عضو هناك وحضر المواضيع والتجارب دي وقتها؟
الناس القديمة فين؟
ياريت اللي عاصر الفترة دي يدخل يقولنا في التعليقات.
إحنا مش بنشرح الأساسيات…
إحنا بنفرض المستوى.