أضرار وضع القصدير المعجون على المنديل الورقيقبل

قبل ما نتكلم استحملني بس الأول… قبل ما ندخل في موضوع المنديل ده، هحكيلك حكاية حصلت معايا في إيجي شيب، ومنها هتفهم كل حاجة . كان في عميل جالي وبيحكي معايا إنه بيشتغل بالقصدير المعجون بطريقة غريبة شويةكان بيقول لي إنه قبل ما يبدأ ياخد حتة من القصدير المعجون علشان يشبلن بيها، يحطها على منديل الأولسألته وأنا مستغرب منه 😳 طيب ليه كده؟قال لي: علشان أنا بنشفه الأول علشان يبقى أسهل في الفرد ومايسحش في الشابلونةبصراحة ابتسمت 🙂 لأني كمان لقيته مقتنع إن كل ما المعجون ينشف شوية يبقى أحسن ويظبط الشغل . قولت له استنى بس كده قبل ما تكمل كلامك معايا قولي إنت فاهم إنت بتعمل إيه في القصدير ؟قالي قولي فقلت له القصدير المعجون ده مش مجرد معدن وخلاص، ده تركيبة متظبطة من المصنع، المصنع حاطط لها معايير ثابتة . وإنت كده غيرت في تركيبة المعجون لأنك بتقلل وبتسحب جزء مهم موجود فيهقال لي إزاي؟قولت له بص، القصدير ده عباره عن معجون من بودرة قصدير، ومعاها مادة رابطة اسمها Binder وهي جزء من الفلكس، دورها تمسك المعجون وتربط مكوناته وتدي له القوام المناسب قبل اللحام، لأنها أثناء التسخين بتتحلل وبتتفكك وكمان بتتحول لبقايا وغازات أثناء التسخين .ومش ده بس، كمان معاها باقي مواد الفلكس Flux، وده اللي مسؤول عن تنظيف الأكسدة Oxide Removal ومساعد في خاصية التوتر السطحي، وكمان الفلكس بيعمل حاجة مهمة اسمها Wetting يعني يساعد القصدير يفرد ويمسك في نقطة النحاس بشكل سليمشوفت بقى المنديل بيشرب إيه؟يا باشمهندس لما إنت بتحط المعجون على منديل، المنديل بيمتص جزء من المذيبات والفلكس والمادة الرابطة وده بيضعف اللحام، لأنهم مواد لزجة وسهلة الامتصاص داخل المنديل، وهتلاقي لون المادة الرابطة دي أحيانًا بيكون بني او غامق حسب نوع الفلكس المادة دي لزجة جدًا، فالمنديل بيشيل جزء منها مع الفلكس يعني ببساطة إنت بتسحب من المعجون أهم حاجة . يا باشمهندس، ده المصنع عامل المعجون بنسبة موزونة بين البودرة والفلكس والمادة الرابطة ، إنت بقى تقوم تغير النسبة دي من دماغك 🙂 مع نفسك كدا ، طيب كسبت إيه بقى؟ إنت كده اشتغلت بمادة بتدي لحام ضعيف علشان وجهة نظرك إن القصدير على المنديل بيكون سهل في الشغل، وده غلط تحب أقولك كمان القصدير بيحصله إيه؟ اسمع كمانالمعجون ينشف زيادة ويفقد تماسكه وساعتها بقي تبدأ تظهر مشاكل زي فراغات جوه اللحام اللي بنسميها Voids يعني فجوات هوا، أو تلاقي نقطة ماسكة والتانية ضعيفة، أو اللحام يشتغل شوية ويبدأ يقطع .يعني بيلحم ويوصل معاك بس ضعيف، مش شرط إنه يشتغل يا هندسة، المهم إن اللحام يعيش . تلحم لحام يعيش، مش تلحم لحام ويرجعلك تاني من غير وعي.وهنا بقى النقطة اللي ناس كتير مش واخدة بالها منها، الترابط الحقيقي في اللحام مش من القصدير لوحده، ده بييجي من طبقة بتتكون وقت التسخين اسمها Intermetallic Compound يعني طبقة معدنية بين القصدير والنحاسالطبقة دي بتحتاج فلكس سليم وتوزيع حرارة مظبوط علشان تتكوّن بشكل صحيحلما الفلكس يضعف أو يتسحب بالمنديل، التفاعل ده ما بيتمش بشكل سليم، فتلاقي اللحام شكله من بره حلو لكن من جوه ضعيفنيجي بقى لغلطة تانية ناس كتير بتعملها، يقولك طب نزود فلكس وخلاص، وده برضه غلط لأنك كده غيرت التوازن الأصلي للمعجون ومش هترجع نفس الأداء يعني يا باشمهندس من الآخر كده لا تشيل ولا تزود، ولو القصدير جف أو نشف يبقى تبدّله بغيره على الفور إنت لما تحط المعجون على منديل إنت مش بتنضفه، إنت بتسحب روحه منه وبتكسر تركيبته والنتيجة لحام ممكن يبان انه كويس لكن عمره قصير ومش مضمون كأنك بتستخدم بودر من غير مصلّب يعني إنت كده غيرت تركيبة المصنع يا هندسة، مفيش حاجة اسمها تحسّن تماسك المعجون بإيدك وهنا بقى السؤال مين فيكم شاف حد بيعمل كده؟

قولّي في التعليقات وخليه يشوف البوست 😂

شركة إيجي شيب

احنا مش بنشرح الأساسيات إحنا بنفرض مستوى :